Verkefni Vegagerðarinnar eru í dag fjölbreyttari en nokkru sinni fyrr. Þau spanna meðal annars þjónustu við vegakerfið og vegfarendur, rekstur jarðganga, umsýslu almenningssamgangna, sjóvarnir og fleiri verkefni. Nýtt merki vísar til þessarar þróunar, en upprunalega merkið táknaði breytinguna frá malarvegum yfir í vegi með bundnu slitlagi sem meginefni. Endurmörkun Vegagerðarinnar byggir á þekktum útlitsgrunni hennar, en möguleikar ásýndarinnar voru víkkaðir og lögð áhersla á frjálslegri og markvissari notkun hennar.