Ný og endurbætt ásýnd fyrir umboðsmann Alþingis byggir á heildstæðu og virðulegu útliti. Hún felur í sér nýtt merki ásamt uppfærðum litum, leturgerð og mynstrum. Merkið sameinar bókstafina U og A og vísar jafnframt í bergrisann, einn landvætta Íslands, sem líkt og umboðsmaður Alþingis stendur vörð um hagsmuni fólksins. Litaval og leturgerð eru rótgróin í menningar- og lagasögu þjóðarinnar og tryggja góðan læsileika og nútímalegt yfirbragð. Ljósmyndir og teikningar styðja við mannlega og aðgengilega ásýnd stofnunarinnar, án þess að draga úr virðuleika hennar.